തിയോഫിലസ് ഡയറീസ്

July 31 ഇന്ന് നാലാമത്തെ പീരിയഡാണ് 8 ജിയിൽ ലഭിച്ചത്. ഇന്ന് ടീച്ചിംഗ് പ്രാക്ടീസ് അവസാനിക്കുന്നതിനാൽ കുട്ടികൾക്ക് മധുരം നൽകുകയും അവരിൽ നിന്നും ഫീഡ് ബാക്ക് എഴുതി വാങ്ങിക്കുകയും ചെയ്തു. റെജി ടീച്ചർ എന്റെ ക്ലാസിനെ കുറിച്ച് അഭിപ്രായം പറയുകയും എനിക്ക് സമ്മാനം തരികയും ചെയ്തു. വളരെ വിഷമത്തോടെയാണ് ഞാനിന്ന് ക്ലാസിൽ നിന്നും പുറത്തേക്ക് ഇറങ്ങിയത്.😞😞😞

July 30 8 ജിയിൽ ഇന്ന് ആറാമത്തെ പീരീഡാണ് ലഭിച്ചത്.കുട്ടികൾക്ക് നാളെ സോയിൽ മ്യൂസിയ സന്ദർശനമുള്ളതിനാൽ ഇന്ന് പരീക്ഷ പേപ്പർ നൽകുകയും ഏറ്റവും കൂടുതൽ മാർക്ക് നേടിയ കുട്ടികളെ അഭിനന്ദിക്കുകയും അവർക്ക് സമ്മാനങ്ങൾ നൽകുകയും ചെയ്തു.പരീക്ഷയ്ക്ക് ചോദിച്ച ചോദ്യങ്ങൾ ചർച്ച ചെയ്യുകയും എങ്ങനെ പരീക്ഷാ പേടി മാറ്റാം എന്നതിനെ കുറിച്ച് ക്ലാസ്സെടുക്കുകയും ചെയ്തു.വൈകുന്നേരം റെക്കോർഡ് എല്ലാവരും ഒപ്പിട്ടു വാങ്ങി. നാളെ ടീച്ചിംഗ് പ്രാക്ടീസ് അവസാനിച്ചു ഞങ്ങൾ 17 പേരും മടങ്ങും.

സ്കൂളിൽ ഓരോ പ്രോഗ്രാം കാരണം ഇപ്പോൾ ക്ലാസ് കിട്ടാറില്ല. ടീച്ചർ ഉത്തരകടലാസ് നൽകിയത് മൂല്യനിർണയം നടത്തി നൽകി. ബുധനാഴ്ച ഞങ്ങളുടെ ടീച്ചിംഗ് പ്രാക്ടീസ് കഴിയും. ബുധനാഴ്ച 8 ലെ കുട്ടികൾ സോയിൽ മ്യൂസിയം കാണാൻ പോകുന്നതിനാൽ ക്ലാസ് കിട്ടില്ല. അതുകൊണ്ട് നാളത്തെ പീരിയഡ് കുട്ടികളുമായി ചിലവഴിക്കും 

കുട്ടികൾക്ക് പരീക്ഷ ആയതിനാൽ തിങ്കളാഴ്ച വരെ ക്ലാസ്സ് ലഭിക്കില്ല. കുഞ്ഞുക്ലാസുകളിൽ സബ്സ്റ്റിറ്റ്യൂഷൻപോകുകയും കുട്ടികളെ മലയാളം പഠിപ്പിക്കുകയും ചെയ്തു. പ്രോജക്റ്റുമായി ബന്ധപ്പെട്ട വിവരശേഖരണത്തിനും ഇന്ന് ക്ലാസുകൾ സന്ദർശിക്കുകയുണ്ടായി.

ഇന്ന് ഞങ്ങളുടെ കോളേജിൽ സ്‌പോർട്സ് ഡേ ആയിരുന്നു. ഞങ്ങളുടെ ടീം ഗുപ്തയാണ്  കപ്പടിച്ചത്.

കുട്ടികൾക്ക് പരീക്ഷയായതിനാൽ ഇന്ന് ക്ലാസ് ലഭിച്ചില്ല. ടീച്ചർ എട്ടാം ക്ലാസിലെ പരീക്ഷ പേപ്പർ നോക്കാൻ ഏൽപ്പിച്ചു.രാവിലെ കിച്ചൻ ഡ്യൂട്ടി ഉണ്ടായിരുന്നു. ഉച്ചയ്ക്ക് പരീക്ഷ ഡ്യൂട്ടിയും ഉണ്ടായിരുന്നു. ബാക്കി സമയം പ്രൊജക്റ്റ്‌ ചെയ്യാനാണ് ഉപയോഗിച്ചത്.

Day 26 ജൂലൈ 22  ഇന്ന് രണ്ടാമത്തെ പിരീഡാണ് എട്ട് ജിയിൽ  പഠിപ്പിക്കാൻ ലഭിച്ചത്. കുട്ടികൾക്ക് ഇന്ന് ഉച്ചയ്ക്ക് ശേഷം മലയാളം പരീക്ഷയായതിനാൽ റിവിഷൻ  നടത്തി. സാന്ദ്രസൗഹൃദം, അമ്മമ്മ, വഴിയാത്ര, പുതുവർഷം എന്നീ പാഠഭാഗങ്ങളുടെ ആശയം പറഞ്ഞു കൊടുക്കുകയും ചോദിക്കാൻ സാധ്യതയുള്ള ചോദ്യങ്ങൾ വിശകലനം ചെയ്തു നൽകുകയും കുട്ടികളുടെ സംശയങ്ങൾ പരിഹരിക്കുകയും ചെയ്തു. കുട്ടികൾ ക്ലാസിൽ മികച്ച രീതിയിൽ ശ്രദ്ധിച്ചിരിക്കുകയും സംശയങ്ങൾ പരിഹരിക്കുകയും ചെയ്തു.ഞാൻ ഇന്ന് പോകുമെന്ന് കരുതി പ്രവിത എനിക്ക് ഡയറി മിൽക്ക് നൽകി. കൂടാതെ ആൻസി ടീച്ചർ ജനറൽ ഒബ്സർവേഷന് വരികയും ഞങ്ങൾ ഒരുമിച്ചു നിന്ന് ഫോട്ടോ എടുക്കുകയും ചെയ്തു.

Day 25 ജൂലൈ 19  ഇന്ന് രണ്ടാമത്തെ പിരീഡാണ് 8 ജിയിൽ ലഭിച്ചത്  "പ്രകൃതിയോടും മണ്ണിനോടുമുള്ള മർക്കോസ് ചേട്ടന്റെ  മനോഭാവം "എന്ന വിഷയത്തിൽ നിയോഗാഭ്യാസം നൽകാനാണ് ഇന്നത്തെ ക്ലാസ് പിരീഡ് ഉപയോഗിച്ചത്. കുട്ടികൾക്ക് ബ്ലാക്ക് ബോർഡിനെ സഹായത്തോടുകൂടി നിയോഗാഭ്യാസം എഴുതി നൽകുകയും കുട്ടികളെല്ലാവരും കൃത്യമായി അത് എഴുതുന്നുണ്ടെന്ന് ഉറപ്പുവരുത്തുകയും ചെയ്തു. എട്ടാം ക്ലാസിലെ സി. ഇ. മാർക്കിന് വേണ്ട അസൈമെന്റ് ആയതുകൊണ്ട് തന്നെ കുട്ടികളെക്കൊണ്ട് ശ്രദ്ധാപൂർവ്വമാണ് നിയോഗാഭ്യാസം എഴുതിപ്പിച്ചത്. ഉച്ചയ്ക്കുശേഷം 8 ജിയിൽ  സബ്സ്റ്റിട്യൂഷൻ ലഭിക്കുകയും കുട്ടികൾക്ക് "എണ്ണ നിറച്ച കരണ്ടി " എന്ന പാഠഭാഗത്തെ ആസ്പദമാക്കി നോട്ട് നൽകുകയും ചെയ്തു. നോട്ട് പറഞ്ഞു കൊടുക്കുമ്പോൾ കുട്ടികൾ വേഗത്തിൽ എഴുതാതിരിക്കുകയും അക്ഷരത്തെറ്റ് വരുത്തുകയും ചെയ്യുന്നതുകൊണ്ട് ബ്ലാക്ക് ബോർഡിന്റെ സഹായത്തോടുകൂടിയാണ് കുട്ടികൾക്ക് നോട്ട്  നൽകുന്നത്. കുട്ടികൾ നോട്ട് എഴുതിയെടുക്കുന്നുണ്ടോ എന്ന് ഉറപ്പുവരുത്തുകയും കുട്ടികളുടെ അക്ഷര തെറ്റുകൾ യഥാസമയം പരിഹരിക്കുകയും ചെയ്തു. തിങ്കളാഴ്ച മുതൽ കുട്ടികൾക്ക് പരീക്ഷ ആരംഭിക്കുന്ന

Day 24 ജൂലൈ 18  മാനുഷിക മൂല്യങ്ങൾക്ക് ജീവിതത്തിലുള്ള പങ്ക് എന്ന വിഷയത്തെ ആസ്പദമാക്കി ഇന്ന് കുട്ടികൾക്ക് 80 പേജിന്റെ നോട്ടിൽ ഒരു പ്രോജക്ട് നൽകി. ആമുഖം, വിവരശേഖരണം, ഉദ്ദേശ്യങ്ങൾ ,ഉപദർശനം, റഫറൻസ് എന്നിവ ഉൾപ്പെടെയാണ് പ്രോജക്ട് നൽകിയത്. കുട്ടികൾക്ക് പ്രോജക്ട് ബോർഡിൽ എഴുതി നൽകുകയും കുട്ടികൾ കൃത്യമായി എഴുതുന്നുണ്ടെന്ന് പരിശോധിക്കുകയും ചെയ്തു.ശേഷം, വഴിയാത്ര എന്ന പാഠഭാഗത്തിന്റെ പ്രധാന ആശയങ്ങൾ കുട്ടികളുമായി ചർച്ച നടത്തുകയും കുട്ടികൾക്ക് ഇരുപത്തിരണ്ടാം തീയതി മുതൽ ആരംഭിക്കുന്ന പരീക്ഷയ്ക്ക് വേണ്ട റിവിഷൻ നടത്തുകയും ചെയ്തു. കുട്ടികൾ ക്ലാസിൽ നന്നായി ശ്രദ്ധിച്ചിരിക്കുകയും അവരുടെ സംശയങ്ങൾ പരിഹരിക്കുകയും ചെയ്തു.ഉച്ചയ്ക്ക് ശേഷം 6 ഡിയിൽ സബ്സ്റ്റിട്യൂഷൻ ലഭിച്ചു.

Day 23 ജൂലൈ 17  എണ്ണ നിറച്ച കരണ്ടി എന്ന പാഠഭാഗത്തെ ആസ്പദമാക്കിയുള്ള ചോദ്യോത്തരങ്ങൾ നൽകുകയായിരുന്നു ഇന്ന് പഠനാസൂത്രണം ചെയ്തത്. കുട്ടികൾക്ക് നോട്ട് സ്വന്തമായി എഴുതുമ്പോൾ അക്ഷരത്തെറ്റ് ഉണ്ടാകുന്നത് കൊണ്ട് ബ്ലാക്ക് ബോർഡിന്റെ സഹായത്തോടുകൂടി എഴുതിയാണ് നോട്ട് നൽകുന്നത്. നോട്ട് നൽകുന്നതോടൊപ്പം നോട്ട് നൽകുന്ന കാര്യങ്ങൾ ഒരിക്കൽ കൂടി വിശദീകരിക്കുകയും കുട്ടികളുടെ സംശയങ്ങൾ പരിഹരിക്കുകയും ചെയ്തു.  എണ്ണ നിറച്ച കരണ്ടിയിലെ ജ്ഞാനിയുടെ കൊട്ടാരത്തിന്റെ സവിശേഷതകൾ നൽകുന്ന ഭാഗത്ത് കുട്ടികളോട് പാഠഭാഗം വിശകലനം ചെയ്ത് കച്ചവടക്കാരന്റെ മകൻ കൊട്ടാരത്തിൽ കണ്ട കാഴ്ചകൾ ആദ്യം എഴുതാൻ പറയുകയും പിന്നീട് നോട്ട് ആയി നൽകുകയും ചെയ്തു. രണ്ടാമത്തെ ചോദ്യം വൈലോപ്പിള്ളിയുടെ "ഏത് ധൂസര സങ്കല്പങ്ങളിൽ വളർന്നാലും" എന്ന് തുടങ്ങുന്ന  കവിതയുമായി ബന്ധപ്പെടുത്തി പാഠം വിശകലനം ചെയ്യാനായിരുന്നു.  വൈലോപ്പിള്ളിയുടെ  കവിതയുടെ പ്രത്യേകതകളും അദ്ദേഹത്തിന് മലയാളസാഹിത്യത്തിലുള്ള പ്രാധാന്യത്തെക്കുറിച്ചും  കുട്ടികൾക്ക് പറഞ്ഞു നൽകിയശേഷം കവിതയുടെ ആശയവും അതിന് പാഠഭാഗവുമായുള്ള ബന്ധവും കുട്ടികൾക്ക് വിശദീകരിച്ചു നൽകി. കുട്ടികൾ എല്ലാവരും

Day 22 ജൂലൈ 12 മറ്റു കുട്ടികളുടെ ഒബ്സർവേഷനായി നഥാനിയേൻ സാറും മീഖ ടീച്ചറും ഇന്ന് സ്കൂളിൽ വന്നിരുന്നു. 8 യുവിലെ സബ്സ്റ്റിട്യൂഷൻ വളരെ രസകരമായിരുന്നു.  എണ്ണ നിറച്ച കരണ്ടി എന്ന പാഠഭാഗത്തിലെ അവസാന ഭാഗമാണ് ഇന്ന് പഠിപ്പിക്കാനായി ആസൂത്രണം ചെയ്തത്. പാഠഭാഗത്തിന്റെ ആശയം കുട്ടികൾക്ക് വിശദീകരിച്ച് നൽകിയശേഷം പുറന്താൾ കുറിപ്പ് എന്ന പുതിയ വ്യവഹാര രൂപത്തെ കുട്ടികൾക്ക് പരിചയപ്പെടുത്തി.  കഴിഞ്ഞ ക്ലാസ്സിൽ പഠിപ്പിച്ചതിൽ നിന്നും ചോദ്യങ്ങൾ ചോദിച്ച ശേഷം കുട്ടികളുടെ തുടർപ്രവർത്തനങ്ങൾ പരിശോധിക്കുകയും വേണ്ടത്ര തിരുത്തലുകൾ നടത്തുകയും ചെയ്തു. ശേഷം എണ്ണ നിറച്ച കരണ്ടി എന്ന പാഠഭാഗത്തിന്റെ തുടർച്ച വായിച്ച് കുട്ടികൾക്ക് ആശയം വിശദീകരിച്ചു നൽകുകയും പുറന്താൾക്കുറിപ്പ് എന്ന പുതിയ വ്യവഹാര രൂപത്തെ കുട്ടികൾക്ക് പരിചയപ്പെടുത്തുകയും ചെയ്തു.  പാഠത്തിന്റെ ആശയം ഫ്ലോചാർട്ട് രൂപത്തിൽ കുട്ടികൾക്ക് പറഞ്ഞുകൊടുക്കുകയും കുട്ടികളിൽ ചിലരെക്കൊണ്ട് പാഠഭാഗത്തിൽ കച്ചവടക്കാരന്റെ മകൻ ചെയ്ത അതേ പ്രവർത്തി വ്യത്യസ്തമായ രീതിയിൽ ചെയ്യിക്കുകയും കുട്ടികളുടെ അനുഭവങ്ങൾ പങ്കുവയ്ക്കാൻ ആവശ്യപ്പെടുകയും ചെയ്തു. കുട്ടികൾ മികച്ച രീതിയിലാണ് പ്രവർത്തനങ

Day 21 ജൂലൈ 11  ജനസംഖ്യാ ദിനത്തോടനുബന്ധിച്ച് ഇന്ന് സ്കൂളിൽ ഉച്ചയ്ക്ക് സോഷ്യൽ സയൻസ് ക്ലബ്ബിന്റെ നേതൃത്വത്തിൽ ക്വിസ് മത്സരം ഉണ്ടായിരുന്നു. നാലാമത്തെ പിരീഡ് ആണ് ഇന്ന് 8 ജിയിൽ പഠിപ്പിക്കാൻ ഉണ്ടായിരുന്നത്.  പേരെച്ചം,വിനയെച്ചം എന്നിവയാണ് ഇന്ന് പഠിപ്പിച്ചത്.  മലയാള വ്യാകരണ ഭാഗങ്ങൾ കുട്ടികൾക്ക് ലളിതമായി  എങ്ങനെ പഠിപ്പിച്ചു കൊടുക്കാം എന്നാണ് ഇന്ന് പാഠാസൂത്രണം ചെയ്തത്.ക്രിയയുടെ വിഭജനം,പൂർണക്രിയ, അപൂർണ്ണ ക്രിയ,പേരെച്ചം, വിനയെച്ചം എന്നിവ കുട്ടികൾക്ക് ലളിതമായ ഉദാഹരണത്തിലൂടെ പറഞ്ഞുകൊടുത്തു. കൂടാതെ യൂട്യൂബിന്റെ സഹായത്തോടെ വീഡിയോയും കാണിച്ചു കൊടുത്തു.  വ്യാകരണപരമായ കാര്യങ്ങളെക്കുറിച്ചുള്ള കുട്ടികളുടെ മുന്നറിവ് പരിശോധിക്കാനായി കുട്ടികളോട് നാമം എന്ത്? ക്രിയയെന്ത്? എന്നുള്ള ചോദ്യങ്ങളിലൂടെയാണ് ഇന്ന് ക്ലാസ് ആരംഭിച്ചത്. കുട്ടികൾക്ക് പ്രാഥമികമായ കാര്യങ്ങൾ ആദ്യം പറഞ്ഞു കൊടുത്തതിനുശേഷമാ ണ്  പ്രധാന കാര്യങ്ങളിലേക്ക് കടന്നത്.  ഓരോ പ്രവർത്തിയിലൂടെ കുട്ടികൾക്ക് ക്രിയ എന്താണെന്നും അപൂർണ്ണ ക്രിയ, പൂർണക്രിയ എന്ന വിഭജനത്തിന്റെ സവിശേഷതകളെക്കുറിച്ചും ആദ്യമേ വിശദീകരിച്ചു നൽകി. ശേഷം ബ്ലാക്ക് ബോർഡിന്റെ സഹായത്തോട

Day 20 ജൂലൈ 10  എണ്ണ നിറച്ച കരണ്ടി എന്ന പാഠഭാഗമാണ് ഇന്ന് പഠിപ്പിച്ചത്. സാന്റിയാഗോ എന്ന ഇടയ ബാലനെക്കുറിച്ചും, ആൽകെമിസ്റ്റ് എന്ന പുസ്തകത്തെക്കുറിച്ചും, വിവർത്തന സാഹിത്യത്തെ കുറിച്ചും കുട്ടികൾക്ക് പറഞ്ഞു നൽകിയ ശേഷം പാഠത്തിന്റെ ആശയം വിശദീകരിച്ച് നൽകി.  കഴിഞ്ഞ ക്ലാസ്സിൽ പഠിപ്പിച്ചതിൽ നിന്നും ചോദ്യങ്ങൾ ചോദിച്ച് കുട്ടികൾക്ക് പാഠഭാഗവുമായി ബന്ധപ്പെട്ട മുന്നറിവുകൾ പരിശോധിച്ച ശേഷം പാഠഭാഗം വായിച്ച് ആശയം വിശദീകരിച്ചു നൽകുകയും കുട്ടികൾക്ക് പരിചിതമല്ലാത്ത പദങ്ങൾ അവയുടെ അർത്ഥസഹിതം പറഞ്ഞു കൊടുക്കുകയും പുസ്തകത്തിൽ എഴുതിക്കുകയും ചെയ്തു. പാഠഭാഗത്തെ രണ്ട് കഥകളാക്കി തരംതിരിച്ചാണ് പറഞ്ഞുകൊടുത്തത്.  കച്ചവടക്കാരന്റെ മകൻ സന്തോഷത്തിന്റെ രഹസ്യം തേടി നടത്തുന്ന യാത്രയെ കുറിച്ച് കുട്ടികൾക്ക് ബ്ലാക്ക് ബോർഡിന്റെ സഹായത്തോടുകൂടി ഫ്ലോചാർട്ട് രൂപത്തിലാണ് വിശദീകരിച്ചു നൽകിയത്. കൊട്ടാരത്തിനകത്തെ സവിശേഷതകളും ഫ്ലോചാർട്ട് രൂപത്തിൽ പഠിപ്പിച്ചപ്പോൾ കുട്ടികൾക്ക് വേഗത്തിൽ മനസ്സിലാവുകയും അവർ മികച്ച രീതിയിൽ പ്രതികരിക്കുകയും ചെയ്തു. കൂടാതെ കുട്ടികൾക്ക് പരിചിതമല്ലാത്ത പദങ്ങളുടെ അർത്ഥവും പറഞ്ഞു കൊടുത്തു. കുട്ടികൾ വായിച്ചതോ

Day 19 ജൂലൈ 9 രാവിലെ 8 എമ്മിൽ സബ്സ്റ്റിട്യൂഷൻ ലഭിച്ചു. ശേഷം കിച്ചൻ ഡ്യൂട്ടി ഉണ്ടായിരുന്നു.  ആറാമത്തെ പിരീഡാണ് ഇന്ന് എട്ടാം ക്ലാസിൽ ലഭിച്ചത്.  എണ്ണ നിറച്ച കരണ്ടി എന്ന പാഠഭാഗത്തെയും  വിവർത്തന സാഹിത്യത്തെയും കുട്ടികൾക്ക് പരിചയപ്പെടുത്തുകയാണ് ഇന്ന് പാഠാസൂത്രണം ചെയ്തത്.  ആ വാഴവെട്ട് എന്ന പാഠഭാഗവുമായി ബന്ധപ്പെട്ട നോട്ട് നൽകാനാണ് ആദ്യത്തെ  കുറച്ചു സമയം വിനിയോഗിച്ചത്. കുട്ടികളെല്ലാവരും കൃത്യമായി നോട്ട് എഴുതുന്നുണ്ട് എന്ന് ഉറപ്പുവരുത്തി പൂർണമായ നോട്ട് നൽകിയ ശേഷം. ബ്ലാക്ക് ബോർഡിന്റെ സഹായത്തോടുകൂടി എണ്ണ നിറച്ച കരണ്ടി എന്ന പാഠഭാഗവും പൗലോ കൊയ്ലോ എന്ന എഴുത്തുകാരനെയും, വിവർത്തന സാഹിത്യത്തെയും കുട്ടികൾക്ക് പരിചയപ്പെടുത്തി.  പാഠഭാഗത്തിന്റെ ആശയവും വിവർത്തന സാഹിത്യത്തിന്റെ പ്രാധാന്യവും കുട്ടികൾക്ക് പറഞ്ഞുകൊടുത്ത ശേഷം ചാർട്ടിന്റെ സഹായത്തോടെ എഴുത്തുകാരനെയും വിവർത്തകനെയും കുട്ടികൾക്ക് പരിചയപ്പെടുത്തുകയും സാന്റിയാഗോ എന്ന ഇടയ ബാലനെക്കുറിച്ച് വേണ്ടത്ര വിവരങ്ങൾ നൽകുകയും ചെയ്തു. കുട്ടികൾ മുൻ ക്ലാസുകളിൽ പഠിച്ചിട്ടുള്ള വിവർത്തന കൃതികളെ കുറിച്ച് ക്ലാസ്സിൽ ചർച്ച നടത്തുകയും പാഠഭാഗത്തിന്റെ കേന്ദ്ര ആശയത്തെക

Day 18 ജൂലൈ 8  സാർ ഒബ്സർവേഷന് വന്ന ദിവസമായിരുന്നു ഇന്ന്. ആ വാഴവെട്ട് എന്ന പാഠഭാഗത്തിന്റെ അവസാനത്തെ ലെസൺ പ്ലാൻ ആയിരുന്നു ഇന്ന് പഠിപ്പിച്ചത്. പാഠത്തിലെ പ്രസക്തഭാഗങ്ങൾ പി. പി.ടി.യുടെ സഹായത്തോടുകൂടി കാണിച്ചു പഠിപ്പിച്ചാൽ കുട്ടികൾക്ക് വളരെ വേഗത്തിൽ മനസ്സിലാവുകയും അവർ ക്ലാസിനോട് മികച്ച രീതിയിൽ പ്രതികരിക്കുകയും ചെയ്യും എന്ന വിശ്വാസത്തിൽ ഇന്ന് പഠനോപകരണമായി ഉപയോഗിച്ചത് പി. പി.ടി. ആയിരുന്നു.  കഴിഞ്ഞ ക്ലാസിൽ പഠിപ്പിച്ചതിൽ നിന്നും ചോദ്യങ്ങൾ ചോദിച്ച ശേഷമാണ് പാഠഭാഗം ആരംഭിച്ചത്. പാഠത്തിലെ കുട്ടികൾക്ക് പരിചിതമല്ലാത്ത പദങ്ങളും അവയുടെ അർത്ഥവും പറഞ്ഞുകൊടുത്ത ശേഷം കുട്ടികളിൽ ചിലരെക്കൊണ്ട് പാഠഭാഗം വായിപ്പിക്കുകയും അവരുടെ ഉച്ചാരണം പരിഹരിക്കുകയും ചെയ്തു. മുൻ ക്ലാസുകളിൽ പഠിപ്പിച്ച പാഠഭാഗവുമായി ബന്ധപ്പെട്ട കാര്യങ്ങൾ ആവർത്തിച്ച് ചോദിച്ച് കുട്ടികൾക്ക് ആ ഭാഗം എല്ലാം മനസ്സിലായി എന്ന് ഉറപ്പാക്കിയ ശേഷമാണ് പാഠത്തിന്റെ അവസാന ഭാഗത്തിലേക്ക് പ്രവേശിച്ചത്.  എല്ലാദിവസവും ക്ലാസ് എടുക്കുമ്പോൾ കഴിഞ്ഞ ക്ലാസിൽ പഠിപ്പിച്ചത് ഒരു ഫ്ലോചാർട്ട് രൂപത്തിൽ കുട്ടികൾക്ക് ഒരിക്കൽ കൂടി പറഞ്ഞുകൊടുത്ത ശേഷമാണ് പുതിയ ഭാഗം പഠിപ്പിക്ക

 ഇന്ന് 8g യിൽ നാലാമത്തെയും  അഞ്ചാമത്തെയും പിരീഡാണ് ലഭിച്ചത്. ആ വാഴവെട്ട് എന്ന പാഠഭാഗം ഇന്ന് പഠിപ്പിച്ചു പൂർത്തിയാക്കാൻ സാധിച്ചു. കുട്ടികൾക്ക് പരിചിതമല്ലാത്ത പദങ്ങളുടെ അർത്ഥം പറഞ്ഞു നൽകുകയും പാഠത്തിന്റെ മുഴുവൻ ആശയം ഒരു കഥ പോലെ പറഞ്ഞു നൽകാനുമാണ് പാഠാസൂത്രണം ചെയ്തത്.  പാഠഭാഗം വായിച്ച് ആശയം വിശദീകരിച്ച ശേഷം പാഠഭാഗത്തിലെ പ്രസക്ത വാക്കുകളുടെയും പ്രയോഗങ്ങളുടെയും അർത്ഥം ഫ്ലോചാർട്ടിന്റെ സഹായത്തോടുകൂടി കുട്ടികൾക്ക് പറഞ്ഞു കൊടുത്തു. പാഠഭാഗം കുട്ടികൾക്ക് മൗന വായനയ്ക്ക് നൽകുകയും അവരുടെ ഉച്ചാരണ പിശകുകൾ പരിഹരിക്കുകയും ചെയ്തു.  1940കളിലെ കർഷകരുടെ ജീവിതത്തെ പ്രമേയമാക്കിയാണ് പാഠഭാഗം ആരംഭിച്ചത് പാടത്തിന്റെ തുടർച്ചയിലൂടെ നീളം മർക്കോസ് എന്ന കഥാപാത്രത്തിന്റെ കൃഷിയോടുള്ള സ്നേഹം കുട്ടികൾക്ക് കൂടുതൽ നൽകുന്നതിനായി പി.പി.ടി.യുടെ സഹായത്തോടുകൂടി വീഡിയോ കാണിച്ചു കൊടുത്തു. പാഠഭാഗത്തിലെ വസ്തുതകൾ വീഡിയോയുടെ സഹായത്തോടുകൂടി കാണിച്ചു നൽകിയപ്പോൾ കുട്ടികൾക്ക് വേഗത്തിൽ മനസ്സിലാകുകയും അവർ ശ്രദ്ധയോടുകൂടി ക്ലാസ്സിൽ ഇരിക്കുകയും ചെയ്തു.  കുട്ടികൾക്ക് വലുതാകുമ്പോൾ ആരാകാനാണ് ആഗ്രഹമെന്ന് കുറിപ്പെഴുതാനാണ് ഇന്ന് തുടർപ്രവർ

ഇന്ന് രണ്ടാമത്തെ പീരിയഡാണ് 8 ജിയിൽ ലഭിച്ചത്. രാവിലത്തെ ക്ലാസ്സ്‌ ആയതിനാൽ കുട്ടികളൊക്കെ നല്ല ഊർജ്ജസ്വലരായിട്ടാണ് കാണപ്പെട്ടത്.ആ വാഴവെട്ടിന്റെ ബാക്കി ഭാഗം പഠിപ്പിക്കുകയും പാഠഭാഗത്തിൽ നിന്നും കേട്ടെഴുത്ത്‌ നടത്തുകയും ചെയ്തു. കൂടാതെ കുട്ടികൾക്ക് മലയാളഭാഷയെ കുറിച്ചുള്ള പ്രാഥമിക അറിവ് നൽകാനും കുട്ടികളുടെ മുന്നറിവ് പരിശോധിക്കാനും കഴിഞ്ഞു.

ഇന്ന് 8 ജിയിൽ നാലാമത്തെ പീരിയഡാണ് പഠിപ്പിക്കാൻ ലഭിച്ചത്. ആ വാഴവെട്ട് എന്ന ഭാഗമാണ് പഠിപ്പിച്ചത്. കുട്ടികൾക്ക് ഉത്തര കടലാസ് വിതരണം ചെയ്യുകയും ഓരോ കുട്ടിയ്ക്കും സംഭവിച്ച പിഴവുകൾ തിരുത്തി നൽകുകയും ചെയ്തു. പഠിപ്പിച്ച ഭാഗത്തു നിന്നും കേട്ടെഴുത്ത്‌ നടത്തുകയും തിരുത്തി നൽകുകയും ചെയ്തു.കുട്ടികൾ സംശയങ്ങൾ ചോദിക്കുകയും പരിചിതമല്ലാത്ത പദങ്ങളുടെ അർത്ഥം പറഞ്ഞു കൊടുക്കുകയും ചെയ്തു. പാഠാസൂത്രണം ചെയ്തത് പോലെ ക്ലാസ്സെടുക്കാൻ കഴിഞ്ഞ ദിവസമായിരുന്നു ഇന്നത്തേത്

ഇന്ന് ആറാമത്തെ പീരിയഡാണ് 8 ജിയിൽ ലഭിച്ചത്. ആ വാഴവെട്ടിന്റെ ബാക്കി ഭാഗമാണ് ഇന്ന് പഠിപ്പിച്ചത്. കുട്ടികൾ അധികം ബഹളം വെയ്ക്കാതെ സഹകരിച്ച ക്ലാസ്സായിരുന്നു ഇന്നത്തേത്. പാഠഭാഗത്തിലെ പ്രസക്ത ഭാഗങ്ങൾ കുട്ടികൾക്ക്     ലളിതമായി വിവരിച്ചു നൽകാൻ കഴിഞ്ഞു. ഉച്ചയ്ക്ക് ശേഷം 8 ക്യുവിൽ സബ്സ്റ്റിട്യൂഷൻ ലഭിച്ചു.സന്ധിയാണ് കുട്ടികളെ പഠിപ്പിച്ചത്.

രണ്ടാമത്തെയും ആറാമത്തെയും പീരിയഡാണിന്ന് 8 ജിയിൽ ഉണ്ടായിരുന്നത്. സിദ്ധിശോധകം പരീക്ഷ ഇന്ന് നടത്തി.40 മിനിട്ടാണ് പരീക്ഷയ്ക്കായി നൽകിയത്. കുട്ടികൾക്ക് പരീക്ഷ എഴുതാൻ നല്ല മടിയായിരുന്നു. കുട്ടികൾക്ക് വേണ്ട മാർഗനിർദ്ദേശം നൽകിയ ശേഷം ഉച്ചയ്ക്ക് നൂൺ ഡ്യൂട്ടി ഉണ്ടായിരുന്നു. ഡ്യൂട്ടിയ്ക്ക് ശേഷം ആറാമത്തെ പീരിയഡ് സാർ ഒബ്സർവേഷന് വന്നു. ആ വാഴവെട്ട് എന്ന പാഠഭാഗം പരിചയപ്പെടുത്താനാണ് ഇന്ന് ആസൂത്രണം ചെയ്തത്.